Шымкентте Оңтүстік Қазақстанның жылыжай бизнесі өкілдерінің кездесуі өтеді
2027 жылдың 20 қаңтарында Шымкентте жылыжай бизнесі өкілдерінің, мемлекеттік құрылымдар мен Қазақстан, Нидерланды, Латвия және Кореядан келген технология жеткізушілерінің кездесуі өтеді.
Бағдарламаның негізгі тақырыптары: тарифтік реттеу және энергия тиімділігі, жылыжайларды цифрландыру, жасанды интеллект, өсімдіктерді қорғау, Tuta absoluta-мен күрес, тозаңдандыру және жылыжай кешендеріне арналған заманауи технологиялар.
Өтетін орны: Aidana Plaza Hotel, Бейбітшілік көшесі, 13, Шымкент. Қатысу тегін.
Іскерлік бағдарламадан кейін жылыжай кешендеріне бару жоспарланған.
Іс-шараға жылыжай шаруашылықтарының иелері мен басшылары, агрономдар, ауыл шаруашылығы өнімдерін өндірушілер, техникалық мамандар және жылыжай саласында жұмыс істейтін компаниялардың өкілдерін шақырамыз.
Жылыжай бизнесі және мемлекет
Іскерлік кездесу аясында сала өкілдері мемлекеттік органдармен тарифтік реттеу және энергия тиімділігі, кадрлық әлеует, сату көлемдерін үйлестіру, инфрақұрылым және саланы дамытудың стратегиялық мәселелерін талқылайды.
Диалогқа Шымкент қаласы әкімдігінің, ҚР Сауда және интеграция министрлігінің, ҚР Ауыл шаруашылығы министрлігінің және «Атамекен» ҰКП өкілдері қатысады.
Жылыжай бизнесіне арналған технологиялар
Халықаралық және қазақстандық компаниялар жылыжай шаруашылықтарына арналған практикалық шешімдерді ұсынады:
●Priva, Нидерланды: микроклиматты цифрландыру, мамандандырылған бағдарламалық қамтамасыз ету және жылыжай кешендерін интеллектуалды басқару.
●Aranet, Латвия: жасанды интеллектті қолдану, өсімдіктердің жай-күйі туралы деректерді жинау және талдау.
●EcoInvest S.A., Қазақстан: Aranet жүйесін жылыжай кешенінде қолданудың практикалық тәжірибесі.
●Koppert Central Asia, Нидерланды: өсімдіктерді интеграцияланған қорғау, зиянкестерден қорғау және дақылдарды тозаңдандыру.
●Кёнсан-Пукто провинциясының агротауар өндірушілері қауымдастығы, Корея: Tuta absoluta-дан қорғау және заманауи тұзақ түрлерін қолдану.
●KUBO, Нидерланды: күрделі жағдайларда жұмыс істейтін жылыжайларға арналған бейімделгіш технологиялар мен шешімдер.